नम्र निवेदन 

मान‍निय महोदय  / महोदया,

"श्री कौपीनेश्वर सांस्कृतिक न्यास' ही संस्था ठाणे शहरातील सांस्कृतिक चळवळीत कार्यरत असणारी संस्था असून, संस्थेच्या माध्यमातून गेल्या २३ वर्षापासून चैत्र शुद्ध प्रतिपदा म्हणजेच गुढीपाडवा या दिवशी नववर्ष स्वागत यात्रेचे आयोजन करण्यात येते. ठाणे शहरातील सर्व धर्मीय एकत्र येऊन अतिशय उत्साहात व जल्लोषात ही स्वागत यात्रा साजरी करतात. प्राचीन  भारतीय संस्कृती व परंपरा जतन करणारा हा भारतीय नववर्ष स्वागताचा सोहळा असतो.

दरवर्षी प्रमाणे यावर्षीही "श्री कौपीनेश्वर सांस्कृतिक न्यासा"तर्फे,  चैत्र शुद्ध प्रतिपदा म्हणजेच गुढीपाडवा या दिवशी नववर्षाचे स्वागत करण्याचे योजलेले असून, मंगळवार, दिनांक ९ एप्रिल २०२४ रोजी सकाळी ७.00 वाजता ठाणे शहरात निघणार आहे. महाराष्ट्राचे मुख्यमंत्री माननीय श्री.एकनाथ शिंदे, हे प्रतिवर्षीप्रमाणे स्वागतयात्रेत पहिल्यापासून सहभागी होणार आहेत. यावर्षी आपल्याला स्वागताध्यक्ष म्हणून  श्री. अर्जुन देशपांडे (तरुण उद्योजक जेनेरिक फार्मा व्यवसायाचे जनक) लाभलेले आहेत.  

"राम मंदिर ते राष्ट्र मंदिर भारतीय संस्कृती एक वैभवशाली परंपरा" व "श्रेष्ठ भारत"  या विषयांवर आधारित आपली स्वागतयात्रा असणार आहे.

मंगळवार, दिनांक ९ एप्रिलला सकाळी ठीक ७.०० वाजता श्रीकौपीनेश्वर पालखीचे पारंपारिक प्रथेनुसार वाजत गाजत प्रस्थान होईल. प्रथम ठाण्यातील श्री सिद्धिविनायकाचे दर्शन घेऊन पालखी व इतर पादचारी जांभळी नाका- रंगो बापूजी चौक या मार्गाने दगडी शाळेकडे निघतील. त्यावेळी तलावपाळीवर उभे असलेले चित्ररथ आपआपल्या क्रमानुसार पालखीबरोबर येऊन पालखीचे रुपांतर भव्य अशा स्वागतयात्रेत होईल. ही स्वागतयात्रा पुढे आराधना सिनेमा, हरी निवास चौक, गोखले रोड पर्यंत येईल. त्यानंतर, पुढे राममारुती मार्ग, पु. ना. गाडगीळ चौक, तलाव पाळी मार्गे पुन्हा श्री कौपिनेश्वर मंदिरात येईल. मंदिरात आरती व प्रसाद वाटप झाल्यानंतर कार्यक्रमाची सांगता होईल.

या निमित्ताने आयोजित केलेल्या सांस्कृतिक कार्यक्रम व इतर उपक्रमांविषयी माहिती पुढीलप्रमाणे:

सांस्कृतिक कार्यक्रम : कौपीनेश्वर प्रांगण

रविवार, दिनांक ७ एप्रिल २०२४ : सायं. ५.३० ते ८ :  ठिकाण - श्री कौपीनेश्वर मंदिर प्रांगण.

 नृत्यधारा  :

सादरकर्ते  : ठाण्यातील विविध नृत्य संस्था. 

रविवार, दिनांक ७ एप्रिल २०२४ :  सायं. ८.३० ते १०.०० वा. :  ठिकाण - श्री कौपीनेश्वर मंदिर प्रांगण.

दशावतार नाटक :

 सादरकर्ते :  ओम वीरभद्र दशावतार नाट्य मंडळ ट्रस्ट.

 सोमवार, दिनांक ८ एप्रिल २०२४ :  सायं. ७.३० ते ८.१५ वा.  :  ठिकाण - मासुंदा तलाव.

 दीपोत्सव :     

 मासुंदा तलावाच्या परिसरात हजारो दिव्यांचा दीपोत्सव स्वातंत्र्य देवता आणि गंगा आरती.

सोमवार, दिनांक ८ एप्रिल २०२४ : सायं. ६.०० ते ७.००  :  ठिकाण श्री कौपीनेश्वर मंदिर प्रांगण.

 महिला पौरोहित्य वर्गाचे रुद्र पठण :

 सादरकर्ते : राष्ट्रसेविका समिती महिला पौरोहित्य वर्ग.

सोमवार, दिनांक ८ एप्रिल २०२४ : सायं. ८.३० ते ९.००   :  ठिकाण - श्री कौपीनेश्वर मंदिर प्रांगण.

 नांदी :

 सादर करते  :  ठाणे भारत सहकारी बँक, ठाणे. 

सोमवार, दिनांक ८ एप्रिल २०२४ : सायं. ९.१० ते ९.५०   :  ठिकाण - श्री कौपीनेश्वर मंदिर प्रांगण.

 श्री शिवराज्याभिषेक नृत्य नाटिका  :

 सादरकर्ते :  कलांकुर आर्ट फाउंडेशन. 

 दिनांक ५ एप्रिल ते १० एप्रिल २०२४  :   ठिकाण - १९ नं. शाळा, विष्णुनगर, नौपाडा, ठाणे.

 रंग रामायण  :

 राम चरित्रावर आधारित रांगोळी प्रदर्शन

 संकल्पना :  वेद कट्टी रंगवली परिवार, ठाणे. 

 दिनांक ७ एप्रिल ते ९ एप्रिल २०२४  :  ठिकाण - श्री कौपीनेश्वर मंदिर प्रांगण. 

 फोटो सर्कल आयोजित फोटो प्रदर्शनी व ऐतिहासिक आरमार प्रदर्शन.

मंगळवार, दि. ९ एप्रिल  २०२४  : सकाळी ७.००  ते १०.०‍०  : स्वागत यात्रा  ( यात्रा मार्ग ) 

 कार्यक्रमास रोज साधारण ३५० ते ५०० रसिकांची उपस्थिती असणार आहे.  गुढीपाडव्याच्या स्वागत-यात्रेत अधिकाधिक ठाणेकरांची उपस्थिती अपेक्षित आहे.

 अन्य सांस्कृतिक उपक्रम :

स्वागतयात्रेचे भूतपूर्व स्वागताध्यक्ष सुप्रसिद्ध अस्थिरोगतज्ज्ञ डॉ. विनोद इंगळहळीकर यांनी मागील वर्षी स्वागतयात्रेचे घोषगीत तयार केले आहे. ते गीत आणि त्याची रिंग-ट्युन संकेतस्थळावर मुक्त वापरासाठी उपलब्ध आहे.    घोषगीत ऐकण्यासाठी आणि डाऊनलोड करण्यासाठी इथे क्लिक करा.  

www.swagatyatrathane.org   (Search words :  swagatyatra  thane 24     ghoshgeet)  /   swagatyatrathane@gmail.com  

स्वागतयात्रेमध्ये ज्युपिटर रुग्णालयाचा वैद्यकीय कक्ष उभारण्यात येणार आहे, जिथे तातडीची आणि तात्कालिक वैद्यकिय सेवा उपलब्ध असेल.  यात्रेच्या मार्गामधे दोन ठिकाणी रुग्णवाहिका त‍त्पर  असतील.  

यावर्षी स्वागत यात्रेचे नियोजन करण्यासाठी महाविद्यालयीन विद्यार्थी स्वयंसेवक म्हणून उपस्थित राहतील.

'संस्कार भारती' या संस्थेतर्फे गावदेवी मैदान येथे १० हजार चौरस फुटांची रांगोळी साकारण्यात येणार आहे. 

स्वागतयात्रेच्या दिवशी, "सेल्फी विथ स्वागतयात्रा", फोटोग्राफी स्पर्धा" फोटो सर्कल सोसायटीतर्फे, तर पारंपारिक वेशभूषा, चित्ररथ स्पर्धा श्री कौपीनेश्वर सांस्कृतिक न्यासतर्फे आयोजित करण्यात आल्या आहेत.

या यात्रेमध्ये आपण, आपली संस्था, आपलं गृह-संकुल, शाळा, इत्यादिंसकट, इतर कार्यकर्त्या समवेत सामाजिक, धार्मिक, सांस्कृतिक विषय घेऊन सहभागी व्हावे, अशी आपणास विनंती करतो. तसेच पूर्वसंध्येला कौपीनेश्वर मंदिराच्या प्रांगणात सांस्कृतिक व प्रबोधनात्मक कार्यक्रम आहेत. या कार्यक्रमाला सुद्धा आवर्जुन उपस्थित राहावे, ही नम्र विनंती.

आपले नम्र  :  

नव‍वर्ष स्वागत-यात्रा आयोजक मंडळ २०२४ 

कौपीनेश्वर सांस्कृतिक न्यास, ठाणे.